|
Popular Keywords: old books, old book, cook books, poetry, find books, travel books, book search, bargain books, cheap books, inexpensive books, book compare, book comparison, comics, books and collectibles book, books, new books, new book, used books, used book, rare books, rare book, second hand books, second hand book, out of print books, out of print book, textbooks, used textbooks, cheap textbooks, college textbooks
Taoismo
Religio > Taoismo
Jin kaj Jang
Taoismo estas religio kiu evoluis el la filozofio de Laozio kaj Zhuangzi kaj sub la influo de popola kulto kaj budhismo. Ĝia ĉefa verko estas la Daŭdeĝingo. Laŭ taoismo, la plej alta realo kaj celo de la mondo kaj de nia vivo estas la Tao. Nuntempe taoismo estas religio de 20 milionoj, precipe en Tajvano, estinte severe persekutita sub la komunistoj en Ĉinio mem. En la Okcidento estas taoismo okcidenta: taoismo kiu sekvas Laozion kaj Ĝuangzion, sed sen dioj kaj kulto. En nia tempo, la plej grava influo de taoismo estas per zen-budhismo.
La penso de Laozio ne estas taoismo entuta, sed nur la filozofa semo. Post lia morto, Zhuangzi disvolvis taoismon kaj fondis taoismon kiel skolo de filozofio, fariĝinte unu el la ĉefaj skoloj de ĉina filozofio, la jino al la jango de konfuceismo. Post jarcentoj, Laozio fariĝis dio, kaj taoismo religio, kun temploj, ritoj, diaro, sacerdotoj, monaĥoj, ktp -- kvankam Laozio mem ne kredis je dioj. La sacerdotoj, tamen, interpretis la diojn kiel esprimoj de la Tao. En la plej severa aŭ pura sekto, la monaĥoj meditas kaj ne manĝas karnon, nek tranĉas haron.
Kiam budhismo venis al Ĉinio, taoismo influis ĝian interpreton, tiel naskinte zenismon (tio estas la japana nomo. La ĉina nomo estas budhismo ĉana -- budhismo de metidato). Laŭvice, taoismo estis influita de budhismo.
Tra la epokoj, taoismo kutime estis subtenita de la imperiestro, sed en 1911, la imperiestro falis kaj la temploj estis rabitaj kaj taoismo persekutita, precipe sub Mao kaj la Komunista Partio (kune kun iu alia religio, kiun la Partio ne povis bridi). En 1949 estis milionoj da monaĥoj en Ĉinio, sed in 1960 nur 50 mil.
Influitoj (inter multaj aliaj):
- LI Bo aŭ LI Po (700-62) - fama ĉina poeto
- John Cowper POWYS (1872-1963) - brita verkisto, prelegisto kaj filozofo
- Ursula LEGUIN (1929-) - usona aŭtoro
- Thomas MERTON (1915-68) - katolika monaĥo
